അഗസ്ത്യര്‍കൂടത്തിലെ ആചാരലംഘനം : എഎച്ച്പി പ്രവർത്തകർ സെക്രെട്ടറിയേറ്റ് മാർച്ച് നടത്തി

അഗസ്ത്യാര്‍കൂടത്തിൽ യുവതികളെ പ്രവേശിപ്പിക്കുന്നതിനെതിരെ   സെക്രെട്ടറിയേറ്റിന് മുന്നിൽ എഎച്ച്പി പ്രവർത്തകർ  മാർച്ച് നടത്തി പ്രതിഷേധിച്ചു.   എഎച്ച്പി സ്റ്റേറ്റ് സെക്രട്ടറി  പാലോട് ഹരി മാർച്ച് ഉദ്ഘാടനം നടത്തി  പ്രസംഗിച്ചു . അഗസ്ത്യാര്‍കൂടത്തിലെ  ആചാരങ്ങൾ സംരക്ഷിക്കപ്പെടണമെന്നും അതിന് ആദിവാസി സമൂഹത്തിന്   അന്താരാഷ്ട്ര ഹിന്ദു പരിഷത്തിന്റെ എല്ലാ പിന്തുണയുമുണ്ടാകുമെന്നും    അറിയിച്ചു. കഴിഞ്ഞ ദിവസങ്ങളിൽ എഎച്ച്പി നേതാക്കൾ അഗസ്ത്യാര്‍കൂടത്തിലെ  ആദിവാസി കോളനികൾ സന്ദർശിക്കുകയും ആചാര സംരക്ഷണത്തിനായുള്ള പോരാട്ടങ്ങൾക്ക് എല്ലാ വിധത്തിലുള്ള  സഹായം  ഉറപ്പ് നൽകുകയും ചെയ്തു .
                           അത്യപൂർവ ഔഷധ കലവറയും ആദിവാസി ഗോത്രാചാര പ്രകാരം  ആരാധന നടത്തി സംരക്ഷിച്ചു പോരുന്ന പ്രദേശമാണ് അഗസ്ത്യാർ കൂടം. ശബരിമലയിലേത് പോലെ ഇവിടെയും ഒരു പ്രത്യേക പ്രായ പരിധിയിലുള്ള യുവതികൾക്ക് പ്രവേശനം പാടില്ല എന്നത് നൂറ്റാണ്ടുകളായി പാലിക്കുന്ന ഒരു നിഷ്ഠയാണ്. അഗസ്ത്യാർ കൂടത്തിനെ കേവലം ഒരു വിനോദ സഞ്ചാര കേന്ദ്രമായി കണ്ടു  തകർക്കാനുള്ള പദ്ധതിയാണ് ഇപ്പോൾ നടക്കുന്നത്. ആദിവാസി ഗോത്രാചാര പ്രകാരം സംരക്ഷിക്കുന്ന അഗസ്ത്യാർ കൂടത്തിനെ കേവലം ഒരു കോടതി വിധിയുടെ മറവിൽ ആചാര ലംഘനം നടത്തി തകർക്കാനുള്ള  ശ്രമമാണ് നടക്കുന്നത് .